لما تكون مشهور ايش تسوي؟؟

: لما تكون مشهور ايش تسوي؟؟ ::
--------------------

أشين شي بالحياة إنك تكون زين ومشهور , يبهذلون فيك الناس ، تصدقون هالحين أنا ما اقدر أطلع
بالشارع من الناس ، إذا صرت أمشي بالشارع كل الناس يأشرون علي ويقولون لبعض شوفوا سيناريو شبابي
شوفوا سيناريو شبابي
بعدين كل شوي يجي واحد يصور معي وبنات يجن أوقع لهن أوتوجرافات ، والحالة حالة ، لا وبعد
بالليل ما أقدر أطلع عشان ما أنخطف ، بعدين الخاطفين يطالبون بفدية ويعيي أبوي والصحفيين
يحاصرون بيتنا بعدين أبوي يطلع من تحت العمارة على جاكور تفاحية << شايفها بفلم لميل قيبسون
يوم ينخطف ولده
والله الحظيظين الشيون يلبسون الي يبون ويطلعون متى مابغوا ، شوفوا على سبيل المثال خوينا
(ابو عمووووود) يلبس الي يبي ويطلع توالي الليل ولا يخاف من الخطف ، ماعمره تعرض لمحاولة إختطاف
الا مرة وحدة كان قاعد على الرصيف بعد صلاة الفجر جاك شايب طلع من المسجد وهو ماشي بالشارع
على الددسن شاف (ابو عمووود) متكي على الرصيف (تصدقون من يوم ما عرفته وهو وذا الرصيف تقولون بيته)هههههههه
جاك الشايب رجع وركب (ابو عموووود) بالقوووة
بس أشوى بنفس الوقت مرت دورية ومسكوا الشايب عاد وهم يحققون مع الشايب قالوا له ماتستحي
على وجهك هالكبر رجلن بالدنيا ورجلن بالقبر وتخطف ولد الناس
قال الشايب : أي ولد
قالوا : هالي أنت ركبت
قال الشايب : أما عاد ذا انسان ، والله اني أحسبه جذع أرطى قلت آخذه انتدفى عليه الليلة
عاد (ابو عموووود) كان مبسوط انه انخطف والى هالحين يسولف به هههههههههههههههههه

الموضوع الاصلي : لما تكون مشهور ايش تسوي؟؟ المصدر : منتديات ميامي