ياليت ربي ماخلق هموم واحـزان
وكل حبيـب يرتـاح مـع حبيبـة



ماقلتها الا مـن معانـاة حرمـان
وجروح القلب مازالت فيني عطيبة



ماقلتهـا الا و انـا اليـوم ندمـان
ماقلتها الا وهموم قلبـي صعيبـة



انا على همي وهو على الهجـران
انا بإنتظاره رغـم طولـة الغيبـة



شفني اليوم تايه ومشتت الاذهـان
دنياي من بعدك ياعمـري غريبـه



لامر طيفك علي سالـت الاعيـان
تسيل غصب عني دمـوع رهيبـة



لاشفته قـام يصـك كـل البيبـان
وانا اعاملـه بكـل يسـر وطيبـة



شف حالتي من بعدك بالهم مرضان
فراق خلي هو عندي اكبر مصيبـة



كل يوم يمر ليلـي وانـا سهـران
وعيوني من سهرها صارت صويبه



وانا اليوم طايح وبالدمـع غرقـان
حبيبي تركني وانا مـاودي اسيبـه



هذي حالة من هو غريق بالاحزان
وهذي حالة كل من فارقـه حبيبـه



واليوم اشكي لخالق الانس والجان
اشكي لربي جعل ربـي حسيبـه