أسعد الله مســــــــاكم بالرضى والمســــــرات ,,,,يسرني ويسعدني أن أطرح هذه

المتواضعه بين أيديكم كمـــصافحه أولـــــــــى ..وأتمنى أن ترتقي لذائقتكم ,وتنال

أستحسانكم


ان كان توحي الصـوت ياطيـر ياللـي
تكفـخ بجنحانـك علـى راس مرقـاب
لاواهنيـك فــي الحـيـاه متسـلـي
ماتعرف الفرقـى ولا غـدر الاصحـاب
ان ضقت ترحـل فـي سمـاك متعلـي
وان غبـت ماتلقـى مشاريـه وعتـاب
ما انتـه بمثلـي دمـع عينـك يهلـي
والحزن مالـي عـن مناحيـه مجنـاب
تعـال واحمـل لـي رسـالـة لخـلـي
رفّ الجنـاح لدارهـم واطـرق البـاب
قله من أسبابه وش اللـي حصـل لـي
صغير سن وراسي مـن العنـا شـاب
وقله عـن أوجاعـي وحزنـي وغلّـي
والدمعة اللـي حايـره بيـن الأهـداب
وقـدره بقلبـي مانقـص ربـع ملـي
لو حال من دون اللقاء ستـر وحجـاب
وسيـف الجفـا مالـه لـزوم يسـلـي
وأنا صويب وجرحـه العـام مـا طـاب
وإذا بغـى عـذري ليـا طحـت كلـي
قلـه علـى ماقالـوا الشـوق غـلاب
واعطـه مراسيـل الـغـلا مسفهـلـي
مضمونها سطرين فـي صفحـة كتـاب
هـات الوصـال وخـل عنـك التغلـي
وش لازمه كثر الجفـا بيـن الأحبـاب
لا شفت قلب في الهوى صافي(ن) لـي
مقفي.. وش أرجي من معادين وأجناب؟؟
لـو كـان غيـرك قلـت خلـه يولـي
ماأمشي ورى من صدّ عني بلا أسبـاب
إلا أنـت ياللـي لـك بقلبـي محـلـي
لوغبت عني طيف طاريـك مـا غـاب
واسلـم عسـاك تـدوم ياطيـر ياللـي
تكفـخ بجنحانـك علـى راس مرقـاب

مشكوووور

تسسسسسلم

كلمات حلووة


قصيدة رائعه

اخوك امير بكلمتي