شسولفلك يعيد الفرح جبته وياك لـــــو ضل عل حدود أهناك خليته لان ادري الفرح ما يمر ياهو الجان صدكني الفرح يعيد انه أنسيته نسيته بيوم طبوهه العجم بغداد من قاموس شعري الفرح جزيته شلون تريدني افرح واحنه مذبوحين والغالي العراق اسلبوا عافيته إلك موقف يعيد ورت أذكرك بيه ليش العام حتى الطفل بجيته عذراً عن كلامي وتدري ليش أحجي لأن طالع من صميم احشاي حسيته مابين الدول صار العراق أدخيل حركوهه اليهود أبيوم جنسيته بعد ما جان سيف ويحمي كل مظلوم وكع بيد الغريب امريكه حاميته وبعد ما جنه خوه وللعدو محزمين سيفي بركبة الخوان حديتــــــــه وصينه الفقير الباب ادفعه وفوت ليش بوجه اخوي اليوم سديته اشو شايل سلاحي وصاحوا الإرهاب والإرهاب يركص بيده جفيته هرب منه الأمان وماتغمض العين يوميه بمناحة ودمعي هليته عراقي اسلبوا أرضه وحاير بدنياه أبليل اظلم تهجر كوه من بيته لاحنه وشموع ولاهلاهل ليش جفي بدم عراق الخير حنيته والطفل اليتيم إبلا سبب بجو وباكو من أثياب الوطن عيديته مجهوله الجثث وابلا هوية أنموت وليش أنموت سري بكبري طميته ما اعرفه الذبحني وشو إلف كصاب يهتف للعراق وضام شبريته عذراً يلفرح يالعيد لتمرون عهداً للعراق ابدمي خطيته ما شوف الفرح لاغني لا ارتاح إلا أتعود ارضي وندي رديته وعهداً يا عراق الصابرين انطيك من ولدك يبو الطيبات برقيته سالم تبقه دوم وكلنه متحزمين بيدي القاذفة وبالراس اللكليته