| |  موضوع: فيها ايه لما واحد يعزم زوجته على الغداااا  الجمعة أبريل 29, 2011 9:37 pm | |
|
فيها إيه لو زوج عزم زوجته على الغدا
عااااااااااااااادى جداااااااااااااااااااا
لكن اللى مش عادى
لو الزوجة قالت ...........
طيب ماتيجوا تشوفوا الحوار واحكموا بنفسكم أحسن
"هو": تطلبي إيه؟
"هي": مش عارفة إنت هاتطلب إيه؟
"هو" : أنا هاطلب بيتزا
"هي": ماشي ، وأنا كمان
"هو": طيب
"هي": ولا أقولك ، بلاش
"هو": ليه عاوزه حاجة تانية
"هي": لأ ، مش عارفه
"هو": انتي جعانة
"هي": إممم ، مش عارفه
"هو": يعني إيه مش عارفة ، أكيد الواحد بيعرف هو جعان ولا لأ
"هي": نص نص
"هو": يعني أطلبلك معايا
"هي": لأ
"هو": خلاص
"هي": ولا أقولك ، يمكن أجوع كمان شوية
"هو": خلاص هاطلبلك وعقبال ما يجي الأكل تكوني جوعتي
"هي": طيب أفرض لما يجي الأكل أكون لسه ما جوعتش!
"هو": خلاص ، خلي الأكل قدامك ولما تجوعي إبقي كلي
"هي": ما كده الأكل هايبرد
"هو": خلاص نطلب أكل تاني
"هي": بس كده يبقى تبذير
"هو": نبقى نأخد الاكل البارد معانا تيك أواي ونبقى نأكله بعدين
"هي": طيب إفرض ما كانش ليا نفس للبيتزا بعدين
"هو": خلاص أكلها أنا
"هي": وأنا ما أكلش
"هو": جننتيني ، يعني اطلبلك ولا بلاش
"هي": بلاش احسن
"هو": خلاص أنا هاطلب لنفسي علشان انا جعت جدا
"هي": ماشي
"هي": بس أطلب بيتزا بالتونة
"هو": بس أنا مابحبش البيتزا بالتونة
"هي": بس أنا بحبها
"هو": بس أنا إللى هاكلها
"هي": ما يمكن على ما ييجي الأكل أكون جعت وأكل معاك
"هو": هو أنتي عاوزة تأكلي ولا لأ
"هي": إحتمال
"هو": يعني أنا لازم أطلب بيتزا بالتونة علشان إنتي (إحتمال) تأكلي معايا
"هي": أيوه بالظبط
"هو": طيب لو أنتي جوعتي وأكلتي البيتزا بتاعتي أنا هاكل إيه؟
"هي": ما انا ممكن ما أكلش أصلا معاك
"هو": رحمتك ياااااااااا رب
"هي": مالك فيه إيه ؟؟
"هو": يعني دلوقتي لو أنتي ما أكلتيش ، أنا هاكل بيتزا مش بحبها
"هي": يعني أنت تاكل و أنا ما أكلش؟
"هو" قومى قومى قومى اناااااااا شبعتتتتتتتتتتتتتتت [ندعوك للتسجيل في المنتدى أو التعريف بنفسك لمعاينة هذه الصورة] ================================  الموضوع الاصلي : فيها ايه لما واحد يعزم زوجته على الغداااا المصدر : منتديات ميامي |
|
| | |
